«Реал» ярим ҳимоячиси Лука Модрич 2018 йилда «Олтин тўп»га муносиб бўлган 5 нафар футболчининг номини айтиб ўтди.

Хорватиялик футболчи ушбу рўйхатга жамоадоши Рафаэль Варан, ҳужумчилар — Лионель Месси («Барселона»), Килиан Мбаппе («ПСЖ»), Криштиану Роналду («Ювентус») ва Антуан Гризман («Атлетико»)ни киритди.

Тасдиқланмаган маълумотларга қараганда, «Олтин тўп»ни топшириш маросими шу йилнинг 6 декабрь куни Париж шаҳрида бўлиб ўтади.

Мадриднинг "Реал" клуби собиқ бош мураббийи Фабио Капелло "қаймоқранглилар"га кучли ҳужумчи сотиб олишни маслаҳат берди.

"Мен "Интер" ҳужумчиси Мауро Икардининг мухлисиман. "Реал"нинг ўрнида бўлганимда тезда у билан шартнома имзолаган бўлардим. Жарима майдончасидаги ўйини орқали Икарди сўнгги йиллардаги Роналдуга ўхшайди.

У рақиб дарвозасини яхши ҳис қилади, жарима майдончаси ичида қандай ҳаракат қилиш кераклигини яхши билади. Унга 3 марта узатма берилса, барчасини голга айлантиради", – деди Капелло.

Маълумот ўрнида. Мауро Икарди 2013 йилдан бери "Интер" сафида ўйнаб келади ва ҳозирда у "нерадзурри" сардори ҳисобланади. 2018/19 йилги мавсумда у барча мусобақалар доирасида 8та ўйинда майдонга тушиб, уларда 5та гол уришга муваффақ бўлди.

Бугун Миллатлар Лигаси 4-туридан ўрин олган Испания ва Англия терма жамоалари ўртасидаги учрашув бўлиб ўтади.

Мадриднинг “Реал” клуби ҳимоячиси Серхио Рамос учрашувни бошланғич таркибда бошлайди. Мазкур баҳс футболчининг терма жамоа сафидаги 160- ўйни бўлади.

Эслатиб ўтамиз, бу кўрсаткич бўйича Миср терма жамоаси собиқ футболчиси Ахмед Хассан 184 та ўйин билан яққол пешқадам ҳисобланади.

Америкалик боксчи Флойд Мейвезер россиялик яккакураш жангчиси Хабиб Нурмагомедовнинг жанг ўтказиш чақириғига розилик жавобини берди.

Аввалроқ Нурмагомедов Мейвезерга жанг ўтказиш таклифи билан чиққанди.

“CBS, Showtime ва MGM Grand – пулларни тайёрланг. Леонард Эллерби (Mayweather Promotions раҳбари) саҳифасига қаранг, Хабиб Нурмагомедов мени жангга чорлади”, деб ёзган Мейвезер инстаграмда.

Нурмагомедовнинг отаси ва мураббийи Адбулманоп Нурмагомедов жанг Россияда ўтказилиши кераклигини айтган.

“Бизда жуда катта мотивация бор. Жанг қачон ўтиши мумкин? Дастлаб дисквалификация муддати якунланишини кутиш керак”, деб айтган Адбулманоп Нурмагомедов.

“Бу рақибни тор-мор этамиз. Хабиб яқин курашда клинч ҳолатига ўтади, бу соф боксга ўхшаш бўлмайди. Умид қиламанки, Хабибда имкон Макгрегорникидан юқорироқ.

Бизнинг бурчакда Василий Ломаченко, Майк Тайсон ва Россиянинг энг яхши мураббийларидан бири бўлишига умид қиламан”, ... Читать дальше »

2018 йилнинг январь-сентябрь ойларида Ўзбекистонда 112,6 мингта ўлим қайд этилган. Бу ҳақда Давлат статистика қўмитаси хабар бермоқда.

Мос равишда 1000 аҳолига нисбатан ўлим коэффициенти 4,6 промиллени ташкил этди, 2017 йилнинг мос даврига нисбатан 0,2 промиллега камайди (2017 йилнинг январь-сентябрь ойларида 4,8 промилле бўлган).

2018 йилнинг январь-сентябрь ойларида қайд этилган вафот этганларнинг 60,7%и - қон айланиш тизими касалликларидан, 9,5%и - ўсимталардан, 6,3%и - бахтсиз ҳодиса, заҳарланиш ва жароҳатланишлардан, 5,5%и - овқат ҳазм қилиш аъзолари касалликларидан, 4,1%и - нафас олиш аъзолари касалликларидан, 1,5%и - юқумли ва паразитар касалликлардан ҳамда 12,4%и - бошқа касалликлардан вафот этган.

Рўйхатга олинган 1 ёшгача вафот этган болалар сони 5,6 минг нафарни ташкил этиб, уларнинг 60,8%и - перинатал даврда юзага келадиган ҳолатлардан, 16,6%и - нафас олиш аъзолари касалликларидан, 11,7%и - туғма аномалиялардан, 2,2%и - бахтсиз ҳодиса, ... Читать дальше »

Хитойнинг Хубэй вилоятидаги цемент заводида ишловчи 43 ёшли эркак бошида мих топилди. Эркакни бир ҳафта бош оғриғи қийнаб келган. Эркак шифокорга мурожаат қилганда, унга компьютер томографияси тайинланган.

Натижалар кўпни кўрган шифокорларни ҳам, беморнинг ўзини ҳам ҳайратлантирган: эркакнинг бошида 48 миллиметрли мих борлиги аниқланган. Эътиборлиси, эркакнинг қолган ҳаётий кўрсаткичлари, мисол учун, қон босими меъёрда бўлган.

Эркак мих бошига қандай кириб қолгани сабабини била олмаган.

“Мих бошимга қандай кириб қолганидан мутлақ бехабарман. Мен заводда видеокузатув камераларига қарайман ва ишим михлар билан ҳеч қанақасига боғланмаган”, деб ҳайрон бўлмоқда эркак.

Таъкидланишича, эркакнинг бошидаги мих жарроҳлик йўли билан олиб ташланади.

Жанубий Корея собиқ президенти Ли Мён Бак порахўрлик учун 15 йилга озодликдан маҳрум этилди. Бу ҳақда Reuters хабар бермоқда.

2008 йилдан 2013 йилгача президентлик лавозимини эгаллаган Жанубий Корея собиқ раҳбарини турли компаниялар, жумладан, Samsung’дан пора сифатида 10 миллион доллар миқдорида пул олишда айблашмоқда. Ли Мён Бакнинг ўзи қўйилган айбларни инкор этяпти.

Ли Мён Бак қамоққа тушиб қолган Жанубий Кореянинг тўртинчи президенти бўлди.

Эслатиб ўтамиз, аввалроқ Жанубий Корея собиқ президенти Пак Кин Хенинг қамоқ муддати 25 йилгача оширилганди.

Айрим ОАВда Гулнора Каримованинг Ўзбекистон қамоғидан озод этилиб¸ Бирлашган Араб Амирликларига етиб келгани ҳақида хабарлар тарқалди.

Айтилишича, Гулнора Каримова хусусий самолëтда 2 октябрь маҳаллий вақт билан соат 14:00да Дубайга келиб қўнган ва шундан сўнг БААдаги энг қиммат меҳмонхоналардан бирида ўрнашган.

Kun.uz ушбу маълумотга ойдинлик киритиш мақсадида Ўзбекистон Республикаси Бош прокуратураси матбуот хизмати вакили Сурайё Раҳмонова билан боғланди.

Матбуот хизмати вакилининг маълум қилишича, Гулнора Каримова қонунда назарда тутилган тарзда Ўзбекистонда жазо ўтамоқда.

«Сизга яна бир бор расман баёнот бераман: Гулнора Каримова қонунда назарда тутилган тарзда Ўзбекистонда жазо ўтамоқда», - деди Бош прокуратура матбуот хизмати вакили Сурайё Раҳмонова Kun.uz мухбирига.
Эслатиб ўтамиз, Гулнора Каримованинг қизи Имон Каримова 28 сентябрь куни Тошкентдан Лондонга учиб кетгани хабар қилинганди

Кейинчалик у Instagra ... Читать дальше »

Россия президенти Владимир Путин “АҚШда бошқа президент йўқлиги” сабабли америкалик ҳамкасби Дональд Трамп билан кейин ҳам ишлашда давом этишга тайёрлигини билдирган.

“АҚШда бошқа президент йўқ, бошқа АҚШ ҳам йўқ. Биз бори билан ишлаймиз”, деб айтган Путин “Россия энергетика ҳафталиги” форуми ялпи йиғилишида.

Путин АҚШнинг дунёдаги энг йирик давлат экани ва кўп жиҳатлардан етакчилигини тан олиб, Россия санкцияларга қарши тегишлича жавоб беришни давом эттиришини айтган.

“Биз жавоб бермоқдамиз, буни авваламбор ўзимизга зиён етказиб қўймаслик учун жуда босиқлик билан амалга оширмоқдамиз. Биз кейин ҳам шундай қиламиз”, деб қўшимча қилган Путин.

Россия президентининг таъкидлашича, Россияда анчадан бери санкциялар уларни жорий қилувчиларга зиён етказиши ҳақида қарорга келинган.

Бугун, 2 октябрь куни Франциянинг спорт анжомлари ва кийимлари ишлаб чиқарувчи машҳур «Decathlon» компаниясининг Марказий Осиё бўйича директори Жером Антонио да Сильва билан учрашув ташкил қилинди, деб хабар берди Миллий олимпия қўмитаси. Учрашувда Миллий олимпия қўмитаси номидан бош котиб Жасур Матчанов иштирок этди.

«Спортчи бўлганимда мен ҳам айнан «Decathlon» спорт анжомларидан фойдаланардим. Компаниянгиз ўз сифатли маҳсулотлари билан жаҳон бўйлаб ном қозонган. Бугунги кунда Ўзбекистон Республикаси Президенти Шавкат Мирзиёев мамлакатимизда жисмоний тарбия ва спортни ривожлантиришга алоҳида эътибор қаратмоқдалар. Бунинг учун албатта яхши шароитлар ва сифатли спорт анжомлари бизда бўлиши керак», – деди МОҚ Бош котиби.

Франциялик меҳмон бунга жавобан компания миссияси Ўзбекистон кўзлаган мақсадга мос келиши ҳақида гапирди.

«Ўзаро мақсадларимиз бир-бирига мос тушмоқда. Бу ажойиб. Мақсадимиз спорт билан шуғулланиш учун барчага шароит яратиб беришди ... Читать дальше »